Yapon xalq ertakida uchta maymun haqida hikoya qilinadi. Ularning birinchisi oldingi oyoqlari bilan koʻzlarini, ikkinchisi quloqlarini, uchinchisi esa ogʻzini yopadi. Birinchisi oʻz imo-ishorasida: «Men yomonlik va ahmoqlikni koʻrmayman», deb aytadi. Ikkinchisi: «Men yomonlik va ahmoqlikni eshitmayman», deydi. Uchinchisi: «Men yomonlik va ahmoqlik bilan gaplashmayman», deydi. Kichik sirlar yirik yolgʻonlarga aylangach, oila aʼzolari haqiqatni yashirib, birga boʻlishga harakat qilsalar ham, oilaning parchalanishiga oz qoladi. Murakkab vaziyatlar va koʻtarib boʻlmaydigan majburiyatlardan qochish uchun oila aʼzolari haqiqatni eʼtiborsiz qoldirib, koʻrmaslik, eshitmaslik va unga gapirmaslikni afzal koʻradilar. Lekin ular uchta maymundek xatti-harakat qilib, oʻz mavjudligining haqiqatidan voz kecha oladimi?